Australia me bhartiya chhatron ke saath kiya gaya naslawadi atyachar kya hamare Jame (Freedged)/thande hote khoon ki pehchan nahi hai? Ek bahot lambi gulami jhelne ke baad shayad hamari mansikta gulam jaisi ho gayi hai.
Yah ghatnaein safed chamdi walo ki sankeerna mansikta ko darshati hai. Widambana yeh hai ke is sab ke bawajood hum videsh jane aur videshi cheejo ka moh nahi chhod paa rahe hai. Akhir kyon?
A. Azadi ke baad se aaj tak Hamari sarkaro ne bharatwanshiyon ke liye kya kiya?
B. Roj hone wali aise ghatnaon ki pratikriya ke roop me kya sirf sambandhit desh ke ucchhayukt ke samne ek virodh pradarshit kar dene bhar se in ghatnaaon ki punrawratti ruk sakegi?
C. Un deshon ki sarkaro par kyun manvadhikarwadi sangthan nakel nahi kaste hai?


Kya hum sab ko iske virodh me aawaz nahi uthani chahiye?
Agar haan to fir hum khamosh kyu hai?
Wahan par jo peete gaye hai unme se hamara koi rishtedaar ya saga nahi hai kya is liye?
Kisi chhote se Railway Station par train ke stopage ki maang puri karwane ke lye train ki bogiyaan jalai ja sakti hai to apne bhai, beto ko peete jane par hum khamosh kyu hai?


Jaago Bharat wasiyon JAAGO. Apna mukhar virodh prakat karo?